Қўқон шаҳрида кучли портлаш рўй берган
Қўқондан олинаётган хабарларга кўра, 24 апрел тунида шаҳарнинг Бақачорсу қисмида жойлашган автомобилларга газ қуйиш шохобчасида кучли портлаш рўй берган.
Ушбу хабар дастлаб Интернет ижтимоий тармоқларида тарқалди.
Сўнг Интернетда кўплаб фото ва видеолар пайдо бўлди.
Фойдаланувчилар икки портлаш рўй бергани, автомобилларга газ қуйиш шохобчасидаги ёнғин суюқ ёнилғи қуйиш шохобчасига ҳам ўтгани ҳамда бир инсон ҳалок бўлгани ҳақида ёзишган.
Ҳозирча бу хабарларни расмий манбалардан тасдиқлаш имкони бўлмаган, ёнғин ҳамда портлашга нима сабаб бўлгани аниқ эмас.
Видеолардан бирида ёнғин осмонга ўрлагани, ҳодиса жойига кўп сонли одамлар тўпланганини кўриш мумкин.
Ҳодиса жойига милиция автомобиллари шошилган.
Сўнг кучли портлаш рўй бергани ва аланга 20 метрча юқорига кўтарилгани акс этган.
Сиз Қўқондамисиз?
Портлашга гувоҳ бўлдингизми?
Ҳодисадан хабарингиз бўлса, бизга маълум қилинг.
Би-би-си Ўзбек хизмати билан Whatsapp, Telegram ва Viber орқали боғланишни истасангиз, телефонимиз: +44 78-58-86-00-02.
Instagram – BBC UZBEK
Twitter – BBC UZBEK
Odnoklassniki – BBC UZBEK
Facebook- BBC UZBEK
Google+ BBC UZBEK
Skype - bbcuzbekradio
