A’r Gymraeg a wylodd...
A’r Gymraeg a wylodd ...
Ac meddai ...
‘Gollish i hen ffrind heddiw.
O’n i’n ei nabod o
O’i grud,
A thyfodd yntau
I’n nabod innau,
Yn ôl drwy eonau
Fy chwedlau i.
Gollish i hen ffrind heddiw,
Oedd yn gwneud i mi wenu,
Oedd yn gwybod lle dwi’n goglais,
Oedd yn tynnu arna’i
A gwneud i mi deimlo
Yn gynnes, gynnes.
Gollish i hen ffrind heddiw,
Oedd yn fy nhroi
Rownd ei fys bach,
Oedd yn gwneud i mi deimlo fel brenhines
Yn fy slipars,
A nghyrlars
Yn gwtj ar y soffa’n
Gwatjiad ffilm.
Gollish i hen ffrind heddiw.
Efo’n gilydd fe wylon ni
Yn anwes hallt,
Y naill yng ngwallt y llall.
Ond roedd o’n fy nallt i
A thrwy’r cwbl
Yn gwybod
Be o’n i’n feddwl.
Am heddiw,
’Dyw ngeiriau ddim yn goglais,
’Sdim tro yn fy ymadrodd,
Mae’r soffa’n wag
A’r sgrin yn fud,
Oherwydd heddiw
Fe gollish i hen ffrind.
Hyd:
Daw'r clip hwn o
Dan sylw yn...
Cofio Yr Athro Gwyn Thomas—Gwybodaeth
Cofio'r diweddar Athro Gwyn Thomas (1936 - 2016).
Bardd Ebrill 2016 - Rocet Arwel Jones—Gwybodaeth
Rocet Arwel Jones yw Bardd Y Mis ar gyfer Ebrill 2016.
Mwy o glipiau Teyrnged i'r Athro Gwyn Thomas
-
Roedd Gwyn yn ymateb i bob dim
Hyd: 03:02
-
Colled anferth ar ei ôl
Hyd: 01:27
-
Bardd annisgwyl oedd Gwyn
Hyd: 03:03
-
Teyrnged Geraint Vaughan i Gwyn Thomas
Hyd: 02:19
Mwy o glipiau Taro'r Post
-
Canslo Maes B oherwydd rhybuddion tywydd
Hyd: 01:36
-
Ymateb Cymraes i gyflafan Christchurch
Hyd: 03:52
-
Carl Sargeant wedi ei ddarganfod yn farw
Hyd: 01:51
-
Norman yn sgwrsio am y clwb Scrabble
Hyd: 02:13