Фото: Лондондаги "Парсонс-грин" метро бекатидаги портлашдан сўнг

Лондондаги "Парсонс-грин" метро бекатидаги портлаш оқибатида 22 инсон жабрланган. Жароҳатланган инсонларнинг ҳаёти хавф остида эмас, демоқдалар шифокорлар. Полиция тахминига кўра, қўлбола бомба портламай қолган. Акс ҳолда қурбонлар сони кўп бўлиши мумкин эди, дейди полиция. Полиция ҳодисани террорчилик хуружи деб таснифлади.

Лондон полицияси бошлиғи ўринбосари Марк Роули айтишича, қўлбола портловчи мослама ишга тушиб кетгани оқибатида портлаш рўй берган. Би-би-сига маълум бўлишича, портловчи моддада таймер бўлган.

Портлашдан кейин метро бекати полиция томонидан ўраб олинди - махсус хизматлар бошқа портловчи модда бор-йўқлигини текширдилар.

Гувоҳларнинг сўзларига кўра, портлаш поезд станцияга яқинлашаётган пайтда рўй берган.

Станция атрофи ҳам ўраб олинган, ҳодиса жойида криминалистлар ишлашни бошлаганлар.

Ҳодиса жойида қуролланган полиция ходимлари навбатчилиги йўлга қўйилган.

Кинологлар искович итлар билан метро бекати атрофида ҳам портловчи моддаларни изладилар.

Шифокорларнинг сўзларига кўра, жароҳатланганларнинг ҳаётига таҳдиди йўқ.

Станциядан чиқиш жойи (гувоҳ фотосурати):

.