Yng Nghymru mae canran ddiweithdra yn 7.9%

Mae nifer y di-waith yng Nghymru wedi gostwng, yn ôl yr ystadegau diweddaraf.

Dywedodd y Swyddfa Ystadegau fod 115,000 o bobl Cymru'n ddi-waith.

Mae hyn yn ostyngiad o 9,000 yn ystod y tri mis hyd at fis Ebrill eleni.

Hefyd, bu cynnydd o 19,000 yn nifer y bobl mewn gwaith - i 1,349,000.

Yng Nghymru mae canran diweithdra yn 7.9%, o gymharu â 7.7% yng ngweddill y DU.

Mae'r nifer o bobl sydd yn economaidd anweithgar yng Nghymru - 480,000 - wedi gostwng 10,000 yn y chwarter.

Ar draws y DU, gostyngodd diweithdra 88,000 i 2.43m yn y tri mis hyd at fis Ebrill, y gostyngiad mwyaf ers haf 2000.

Polisïau yn gweithio

Mae Ysgrifennydd Cymru, Cheryl Gillan, wedi dweud bod y ffigyrau diweddar ar gyfer Cymru yn dangos bod polisïau economaidd y Llywodraeth ar gyfer Cymru y penderfyniad cywir.

"Dwi'n croesawu'r newyddion bod mwy o bobl mewn gwaith a bod nifer y rhai sy'n ddi-waith yn gostwng.

"Mae'r ffigyrau yma yn galonogol ac yn dangos bod y polisïau yn gweithio yng Nghymru."

Ond dywedodd nad eu cyfrifoldeb nhw yn unig yw taclo diweithdra.

"Mae'n allweddol bod Llywodraeth Cymru yn gweithio'n gadarnhol

gyda'r Llywodraeth yn San Steffan i greu'r amgylchiadau cywir ar gyfer creu swyddi a thwf economaidd yng Nghymru."

Fersiwn brintiadwy