பாகிஸ்தான் கைதியை கல்லால் அடித்துக் கொன்ற இந்திய சிறைக் கைதிகள்
ஜெய்பூர் மத்திய சிறையில் அடைக்கப்பட்டிருந்த பாகிஸ்தானை சேர்ந்த சிறைக்கைதியான ஷாக்கருல்லா, உடன் இருந்த சக சிறைக் கைதிகளால் கொல்லப்பட்டுள்ளார்.
பாகிஸ்தானின் சியால்கோட்டை சேர்ந்த ஷாக்கருல்லா ஆயுள் தண்டனை அனுபவித்து வந்தார். இந்திய சிறைக் கைதிகள் நான்கு பேர் அவரை கல்லால் அடித்து கொன்றதாக கூறப்படுகிறது.
இந்த சம்பவம் புதன்கிழமை மதியம் நடைபெற்றதாக காவல்துறை கூறுகிறது. ஜெய்பூர் மூத்த காவல் அதிகாரி லக்ஸ்மன் கௌடு சிறைக்கு வெளியில் கூடிய பத்திரிகையாளர்களிடம் இந்த செய்தியை உறுதிப்படுத்தினார்.
தொடக்கத்தில் தொலைக்காட்சியின் ஒலி தொடர்பாக சர்ச்சை எழுந்து, பின்னர் இது கொலையில் முடிந்துள்ளது என்று கௌடு தெரிவித்தார்.
இந்த சம்பவம் தொடர்பாக நான்கு பேர் அடையாளம் காணப்பட்டு, அவர்கள் மீது வழக்குப்பதிவு செய்யப்பட்டுள்ளது என்று அவர் மேலும் கூறினார்.
இந்த சம்பவம் பற்றிய தகவல் வெளியானவுடன், காவல்துறை விரைவாக செயல்பட்டது. டி.ஜி.பி என்.ஆர்.கே ரெட்டி உள்பட மூத்த அதிகாரிகள் சட்டவியல் ஆய்வு குழுவினருடன் உடனடியாக சம்பவ இடத்திற்கு விரைந்தனர்.
இந்த சம்பவம் பற்றிய சரியான விவரங்கள் வெளிவரும் வகையில், விசாரணை நடைபெற்று வருவதாக கௌடு கூறியுள்ளார்.
இந்த சம்வம் புல்வாமா தாக்குதலோடு தொடர்புடையதா?
தொலைக்காட்சியில் இருந்த ஒலியால்தான் சச்சரவு ஏற்பட்டது என்பதுதான் இதுவரை தெரியவந்துள்ளது என்று காவல்துறை அதிகாரிகள் கூறியுள்ளனர்.
இந்தியாவில் தீவிரவாதத்தை பரப்பியதாக குற்றஞ்சாட்டப்பட்டு ஷாக்கருல்லா மற்றும் மேலும் இரண்டு பாகிஸ்தானிய கைதிகளுக்கு 2017ம் ஆண்டு ஜெய்பூர் நீதிமன்றம் ஆயுள் தண்டனை விதித்தது.
அது முதல் ஷாக்கருல்லா ஜெய்பூர் சிறையில் தண்டனை அனுபவித்து வந்தார். லக்ஷர்-இ-தய்பாவோடு பணியாற்றியதாக அவர் குற்றஞ்சாட்டப்பட்டார்.
இந்த வழக்கில் காவல்துறை எட்டு பேரை குற்றஞ்சாட்டியது. அதில் ஐந்து பேர் இந்தியர்கள். மூன்று பேர் பாகிஸ்தானியர்.
இந்த சம்பவத்திற்கு பின்னர், ஜெய்பூர் மத்திய சிறையில் பாதுகாப்பு பலப்படுத்தப்பட்டுள்ளது.
ராஜஸ்தானின் பல்வேறு சிறைகளில் மொத்தம் 20 ஆயிரம் கைதிகள் உள்ளனர். இவர்களில் 62 பேர் வெளிநாட்டவர்கள். அதில் ஒரு டஜனுக்கு மேலானோர் பாகிஸ்தானியர் என்பது குறிப்பிடத்தக்கது.
பிற செய்திகள்:
இந்தியா எங்களை தாக்கினால் பதிலடி தருவோம் - இம்ரான் கான்
இந்தக் கட்டுரையில் Google YouTube வழங்கிய தகவல்கள் இடம் பெற்றுள்ளன. குக்கி மற்றும் பிற தொழில்நுட்பங்கள் பயன்படுத்தப்படக்கூடும் என்பதால் எந்த ஒரு பதிவேற்றத்துக்கும் முன்னதாக உங்கள் அனுமதியைக் கோருகிறோம். அதை ஏற்றுக்கொள்வதற்கு முன்பாக, நீங்கள் Google YouTube குக்கி கொள்கை மற்றும் தனியுரிமைக் கொள்கையை அறிந்துகொள்ள விரும்பலாம். இந்த தகவலைப் படிக்க, `ஏற்றுக்கொண்டு தொடரவும்' என்பதைத் தேர்வு செய்யவும்.
YouTube பதிவின் முடிவு, 1
பிற செய்திகள்:
சமூக ஊடகங்களில் பிபிசி தமிழ் :
- ஃபேஸ்புக் : பிபிசி தமிழ் ஃபேஸ்புக்
- டிவிட்டர் : பிபிசி தமிழ் ட்விட்டர்
- இன்ஸ்டாகிராம் : பிபிசி தமிழ் இன்ஸ்டாகிராம்
- யு டியூப் : பிபிசி தமிழ் யு டியூப்
சமூக ஊடகங்களில் பிபிசி தமிழ் :
- ஃபேஸ்புக் : பிபிசி தமிழ் ஃபேஸ்புக்
- டிவிட்டர் : பிபிசி தமிழ் ட்விட்டர்
- இன்ஸ்டாகிராம் : பிபிசி தமிழ் இன்ஸ்டாகிராம்
- யு டியூப் : பிபிசி தமிழ் யு டியூப்