Edrych nôl ar ddydd Mawrth 'Steddfod

Yn wreiddiol o Bencoed ger Pen-y-bont ar Ogwr, mae Rebecca sy'n 24 oed, yn athrawes yn Ysgol Uwchradd Esgob Llandaf yng Nghaerdydd.

Dywedodd ei bod wedi ei hysbrydoli i ddysgu’r iaith tra yn y chweched dosbarth a chlywed athrawon yn siarad Cymraeg.

Mewn cyfweliad gyda Cymru Fyw, dywedodd: "Dwi'n cofio bod yn y chweched dosbarth mewn ysgol uwchradd Saesneg, a jest y ffordd roedd yr athrawon yn siarad Cymraeg gyda'i gilydd o ni yn meddwl dwi moyn siarad â rhywun yn Gymraeg.

"Mae'n unigryw i Gymru ond dyle ni siarad Cymraeg achos 'dy ni'n dod o Gymru a dyle mwy o bobl siarad Cymraeg," meddai.

Rebecca Morgan yw enillydd Medal y Dysgwyr, Eisteddfod Genedlaethol yr Urdd, Brycheiniog a Maesyfed 2018.

Mae'r cyrchwyr yn paratoi i'w hebrwng i'r llwyfan.

BBCCopyright: BBC

Mae'r fedal eleni'n cael ei rhoi gan Barciau Cenedlaethol Cymru.

Mae'r wobr yn cael ei rhoi i'r unigolyn sy ym marn y beirniad wedi cyrraedd y brig wrth ddefnyddio'r iaith o ddydd i ddydd yn yr ysgol neu goleg ac yn gymdeithasol.

Dywedodd y beirniaid eleni, Elin Williams a Isaias Grandis ei bod wedi bod "yn anodd iawn dod i benderfyniad".

I'ch atgoffa, tair merch ac un bachgen yn cystadlu am y fedal eleni - Alys Williams, Jessica Harvey, Jonas Rajan a Rebecca Morgan.

Mae seremoni Medal y Dysgwyr wedi dechrau.

Rachel Jones yw Meistr y Ddefod.

Merch fferm o Lanafan yw Rachel, a'r Gymraeg yn ail iaith iddi.

Mae diwrnod arall o gystadlu brwd yn dirwyn i ben.

Llongyfarchiadau i bawb sydd wedi cymryd rhan, a dyma restr o'r canlyniadau hyd yma.

Mae mudiad Clybiau Ffermwyr Ifanc Cymru wedi dweud wrth Golwg 360 eu bod yn difaru cau eu pencadlys ar Faes y Sioe yn Llanelwedd yn ystod wythnos Eisteddfod yr Urdd.

Mae prif swyddfa CFfI Cymru yng nghanol Maes y Sioe, ond er bod Eisteddfod yr Urdd Brycheiniog a Maesyfed yn cael ei chynnal ar yr union safle eleni, dyw canolfan CFfI Cymru “ddim ar agor” i’r cyhoedd yr wythnos hon.

Yr artist Siôn Tomos Owen wedi ei blesio a'r gweithiau Celf a Chrefft eleni.

Mae Casia Wiliam wedi bod ar lwyfan y pafiliwn yn sôn am ei blwyddyn gyntaf yn ei rôl fel Bardd Plant Cymru.

Dywedodd ei bod wedi ei llenwi â gobaith a diolch, a'i bod wedi ei hysbrydoli a'i llonni gan y dalent a'r plant annwyl sydd yng Nghymru.

Dangosodd enghreifftiau o'r gweithdai y mae hi wedi eu cynnal a dywedodd ei bod yn edrych ymlaen yn fawr at ei hail flwyddyn.

BBCCopyright: BBC

Prif seremoni ar ail ddiwrnod y cystadlu yn Eisteddfod yr Urdd yn Llanelwedd fydd Medal Y Dysgwyr, gyda'r enillydd yn cael ei gyhoeddi ddiwedd y pnawn.

Mae tair merch ac un bachgen yn cystadlu am y fedal eleni, Alys Williams, Jessica Harvey, Jonas Rajan a Rebecca Morgan.

Y gohebydd Arwel Evans gafodd gyfle i'w holi ar ran BBC Cymru Fyw.

BBCCopyright: BBC

Mae'r blynyddoedd yn hedfan!

“Mae’n well siarad Cymraeg amherffaith, na pheidio’i siarad o gwbwl,” meddai Llywydd y Dydd Eisteddfod yr Urdd Brycheiniog a Maesyfed wrth Golwg 360.

Mae Steve Hughson yn Brif Weithredwr ar Gymdeithas Amaethyddol Frenhinol Cymru, ac yn ffigwr blaenllaw ym myd amaeth yng Nghymru.

Yn ogystal, mae e’n ddysgwr, sy’n anelu at feistroli’r iaith.

BBCCopyright: BBC