Stephen Eta Tataw: Cameroon 1990 World Cup captain don die at age 57
Wia dis foto come from, Getty Images
Stephen Eta Tataw, Cameroon's captain from dia famous run to di quarter-finals for di 1990 World Cup, don die at di age of 57.
Stephen sista bin confirm am say di Cameroon captain die as e no dey well for some taim now.
"Na true Tataw don die, e no bi well for some taim, now, yesterday de situation worse, and today for midday e die, even though rumor bi don first kill e for night, e no di don die.
Na big blow for we family, e bi loving, caring sympathetic broda. Ah fit say na only God no as na di give and take life.
E no easy but we get for accept", Tataw e small sista tok.
Meanwhile, Reactions flop for social media from 1990 teammates, footballers and football lovers and Cameroonians.
Thomas Libiih weh e bi part of de team bi short of words, e hard e for tok plenti. For yi, deh no bi helep de former captain. Libiih say capi bin bi na correct man.
Francois Oman Biyick, say e bi know how for tok for e mates and e no bin bi na no and yes na yes.
Roger milla weh na part of de 1990 team also share Tataw e die for e twitter page.
Dis article contain content wey Twitter provide. We ask for una permission before anytin dey loaded, as dem fit dey use cookies and oda technologies. You fit wan read di Twitter cookie policy and privacy policy before accepting. To view dis content choose 'accept and continue'.
End of Twitter post, 1
Vincent Oganzi weh e visit Tataw some hours before e die say de former player for Tonnerre and Olympic of Mvolye bin decide for stay for e place, deny all help as e bi for e character.
E describe Tataw as pesin weh e no bi laik defeat, e bring 'fighting spirit' for national team, e bi determined, di take game seriously, di push e team forward.
Rigobert Song weh e join de squad for 1993 wit Raymond Kalla and late Marc Vivien Foe, say capi bin bi na model.
Dis article contain content wey Twitter provide. We ask for una permission before anytin dey loaded, as dem fit dey use cookies and oda technologies. You fit wan read di Twitter cookie policy and privacy policy before accepting. To view dis content choose 'accept and continue'.
End of Twitter post, 2
Tataw former assistant manager for national team, leave behind two pikin dem afta e woman too bi don die two years ago.
No bi de only player for 1990 squad weh e don die, Louis Paul Mfede and Benjamin Massing bi don already die.
Di right-back na also di captain of di Indomitable Lions for USA 94.
He play every minute of Cameroon's five games for di 1990 tournament, wen dem beat Argentina, Romania and Colombia on dia way to dia quarter-final defeat to England during extra time.
Tataw play most of im club career for im home country wit Tonnerre Yaounde and Olympic Mvolye, but end am for Japan wit Tosu Futures.
Afta di 1990 World Cup he get trials wit Queens Park Rangers for di (then) First Division, later di manager Don Howe tell am "You dey good - excellent - but we don full."
Samuel Eta Tataw die on Friday afta wetin relative describe as a "protracted illness" but dem no give any more details at dis stage.
Family members don later deposit im corpse for di Yaoundé central hospital.
