Baba Ijesha: Fídíò tí Iyabo Ojo gbé jádé lo ṣàfihàn Ijesha tó ń bẹ̀bẹ̀
Ọrọ ẹsun ti wọn fi kan baba Ijesha ti n gba ọna miran yọ bayii nitori Iyabo Ojo, gbajumọ osere tiata kan ti gbe fidio kan jade ninu eyi ti Baba Ijesha wa.
Ninu fọnran aworan naa ni Baba Ijesha ti joko silẹ, to si n bẹbẹ pe ki wọn dari jin oun.
Fidio naa ti Iyabo Ojo gbe soju opo Instagram rẹ lo se afihan Baba Ijesha to n sọ pe ki wọn dari jin oun nitori isẹ esu ni.
Àwọn iròyin tì ẹ leè ní ìfẹ̀ síí:
- Ẹ̀yin tí Baba Ijesha bá ọmọ tàbí àbúrò yín lòpọ̀ láìtọ́, ẹ fi ẹjọ́ ṣùn mí - Princess Comedian
- Gbogbo abiyamọ aye ẹ gba wá, wọ́n ti fẹ́ tú Baba Ijesha silẹ - Iyabo Ojo figbe ta
- Ipa tí Fathia Balogun kó nínú bí mo ṣe dèèyàn lágbo òṣèré fíìmù Yorùba rèé - Baba Ijesha
- Iyabo Ojo àti Foluke Daramola tako ara wọn lórí ọ̀rọ̀ Baba Ijesha
- Ẹgbẹ́ òṣèré tíátà TAMPAN sọ̀rọ̀ sókè lórí ẹ̀ṣùn bíbá ọmọdé lòpọ̀ tí wọn fi kan Baba Ijesha
- Òṣèré tíátà gbọnmú lórí ẹnu àbùkù tó ń kun àwọn òṣèré Yorùbá torí Baba Ijesha
- Ìwàásù Baba Adeboye ló sọ mí di Kristẹni - Funke Etti
- Ọmọ Nàíjíríà kan kú lásìkò tó bẹ́ sí River Thames ní London torí ó fẹ́ dóòlá ẹ̀mí obìnrin kan
- Àkàrà tú sépo! Wo bí ọ̀rẹ́ Olorì Damilola ṣe gba Alaafin mọ lọ́wọ́
Baba Ijesha, ti awọn eeyan kan n fi ọrọ wa lẹnu wo, to fi mọ iya ọmọ naa, lo n salaye ohun to ri lọbẹ, to fi wa iru sọwọ.
Ninu fidio naa ni iya ọmọ, Princess ti yari, to si fẹ lu Baba Ijesha amọ ti awọn eeyan n bẹ lati mase se bẹẹ.
Baba Ijesha, ninu fidio naa lo salaye pe oun ni ogun idile, eyi to han si Princess funra rẹ, ti isẹlẹ naa ko si le se ẹyin ogun to n ja oun.
"Lootọ ni mo se ohun ti ko dara, ẹ jọọ, ẹ dari jin mi tori Ọlọrun, mo mọ pe mo sẹ, mo se nnkan ti ko dara, ma wo temi, jọọ mo bẹbẹ ni.
Oju ko ni tiẹ, jọọ, ko yẹ ki n se eleyi si ọ, n ko mọ ohun to se mi, mo si le pa ara mi."
Nigba ti Princess, iya ọmọ n bi Baba Ijesha pe ki lo de to se wa nawọ̀ ere si ọmọ ọdun meje, to tun pada wa se bẹẹ ni igba keji, baba Ijesha ko ri ohunkohun sọ, o sa kan n bẹbẹ ni.
Lẹyin o rẹyin ni wọn wa mu Baba Ijesha lọ si agọ ọlọpaa lori ẹsun naa.
Amọ nitori pe ẹjọ naa ti de ile ẹjọ, to si ti di ọrọ ofin, ileesẹ BBC ko le se afihan fọnran aworan naa loju opo wa.